Maging Ikaw ngan Ako

Kada adlaw nga nalabay
Mas nakikillala ko ikaw hinay-hinay
Damo la nga butang nga napag-iistoryahan
Mga istorya hin kabiduan ngan kalipayan

Karuyag ko la magpasalamat ha imo
Han pagtapod ha akon nga guin hatag mo
Han pag-istorya han imo kinabuhi
An paglaom nga kunta diri mabari

Kun ano man an aton guin tikangan
Kamagsangkay naton in pagtitipigan
Para kunta mayda maupay nga hingaradtuan
Pagsusog han matadong nga dalan.

Kunta waray ha aton magbago
Mag-ilob la bis ano nga umabot nga bagyo
Pero kun mayda man kunta magbago
Adton la ba nga maging IKAW ngan AKO.

Siday - Nov. 21, 2017

Siday - Nov. 05, 2017

Kaupay pagkinita kan Sarah mata
Iya kahusay nagawas ug nakikita
Baga hin nag twinkle-twinkle little star
Labi kun nangisi hiya pachar-char.

Bisan kun waray man istoryahay
Pagkinita la ha iya in kontento na.
Nakokompleto guihap iton usa ka adlaw
Naiibanan an inaabat nga kamingaw.

Siday - Nov. 05, 2017

Kaupay pagpinamati kan Sarah
Labi kun kaistorya hiya mag-aga
Iya boses pareho hit kanan anghel matam-is
Bisan kun naabtan man ka-alas-tres.

Bisan ano nga istoryahaon ig-iistorya
Hihimuan hin paagi diri la mawara
Makaistorya la hiya daw kamaupay
An akon dughan in napupuno na hin kalipay.

Siday - Oct. 31, 2017

Hain na dawla hi Sarah?
Karuyag ko na hiya makita
Kaiha pa matapos inin simana
Kasing-kasing ko ha iya namimingaw na.

Paghuna ha iya karuyag mapugngan
Para kunta an kamingaw maibanan.
Pero bisan ano nga pagpugong
Makuri gud kun ha sulog nasungsong.

Salit yana huhunaon ko nala
Nga yana nga Friday kami in magkikita
Bisan kun mayda man pagkamaiha
Basta magkaupod la in sige nala.

aina

Kun yana kumadto ka na ha Manila
Magpapabilin ka ha akon huna-huna
Ngan ha kasing-kasing ko diri mawawara
An paglaom ngan an imo paghigugma.

Usa gadla kunta iton akon ungara
Nga ha akon kinabuhi diri ka bumaya
Bisan magharayo kita yadto ka ha Manila
Mayda gihap panahon nga kita hin magkikita.

Pag-ilob gadla kita hiton kamingaw
Magharayo gud kita salit mahidlaw
Ig ampo ta nala ha makagarahom ha igbaw
Nga labi ha ngatanan gugma naton lumabaw.

Makuri man nga dalan iton aton pag-agian
Diri man sigurado iton aton hingaradtuan
Pero kun ha kada tagsa mayda pagtuman
Kalipayan ug gugma aton makakaptan.

SA TAMANG PANAHON.

diri na ak

Tikang yana diri na ak' ha im'.
Im' ngaran diri na luwason ta'k im-im.
Ha'k huna-huna pirit ka mapara,
Hasta ta'k gugma ha im' mawara.

Hinumduman ilalabog ha dagat,
Para kasakit ha dughan diri na maabat.
Bahala nala ta'k kasing-kasing kun ha iba lumaag.
Bangin lugod ha iba ta'k gugma diri makarag.

taekwondo

Kaupay ha TAEKWONDO pag-uyas
Makalilipay labi kun naturo iton balhas
Nakakakilala pa hin bago nga sangkay
Nga nakaghatag hin bago nga kalipay.

Bisan kun an kasakit aada
An mga ngisi diri gud napapara
Mga bun-og man namarka ha nawong
An kalipayan diri napaparong.

Sipa didto, sipa dinhi
Usahay mayda mga ngipon nabubungi
Bisan kun magkuntra man han laban
Magsarangkay la gihap ngatanan.

Ano dawla iton mayda ha taekwondo?
Kun hain iton uyas kita in nakadto
Bagan nagbibiling kita hin kasakit
Nalilipay bisan naabat hin kaurit.

Mga sabid gad ada hini kita?
Bis nag-aaraway na kita in natawa.
Basta an Gold Medal makuha la
Ano man nga kasakit nawawara.