Mas nakikillala ko ikaw hinay-hinay
Damo la nga butang nga napag-iistoryahan
Mga istorya hin kabiduan ngan kalipayan
Karuyag ko la magpasalamat ha imo
Han pagtapod ha akon nga guin hatag mo
Han pag-istorya han imo kinabuhi
An paglaom nga kunta diri mabari
Kun ano man an aton guin tikangan
Kamagsangkay naton in pagtitipigan
Para kunta mayda maupay nga hingaradtuan
Pagsusog han matadong nga dalan.
Kunta waray ha aton magbago
Mag-ilob la bis ano nga umabot nga bagyo
Pero kun mayda man kunta magbago
Adton la ba nga maging IKAW ngan AKO.
Siday - Nov. 21, 2017
No comments:
Post a Comment