Ini nga paghigugmaay,
Diri gud la harumamay.
Kabido naabot usahay,
Ha urhi naman an kalipay.
Kabiduan ug kasakitan,
Inaabat tahos ha dughan.
Diri maaram kun aanhon man,
An mata diri magin luhaan.
Hunaaon ug abaton kakuri,
Han akon ha imo gin-agi.
Mga pakiana naabot ha urhi,
Kun makakarawat ko ba ini o diri?
Dapat ko ba huna-hunaon,
Kasakit nga naabot ha akon?
O mga mata dapat pukraton,
Makita an kalipay nga para ha akon?
No comments:
Post a Comment